ETXERAT (2020-XII-12). Etxeratek atzo Euskalduna Jauregian egindako adierazpena sinatu zuten alderdi eta sindikatuek lortutako adostasuna eta akordioa eskertzen du, izan ere, euskal presoak Euskal Herriko espetxeetara (kasu honetan EAEko espetxeetara) hurbiltzeko plan bat eratzea, eta legedi arrunta beraiei ere aplikatzeko eskatzen da.
Adierazpen hori posta arruntaren bidez bidali diegu gaur Pedro Sánchez Espainiako Gobernuko presidenteari; Angel Luis Ortiz Espetxeetako idazkari nagusiari eta Iñigo Urkullu lehendakariari. Era berean, adierazpen berri izan zezaten, dokumentua Maria Chivite Nafarroako presidenteari eta Jean-Rene Etchegarai Euskal Elkargoko presidenteari bidali diegu. Bide batez, Eusko Legebiltzarrera eta udaletara bidaliko dugu, baita espainiar Estatuko espetxetako zuzendariei ere.
Adierazpen honek agerian uzten du euskal gizarteak salbuespenezko espetxe-politika behin betiko gainditzeko egiten duen apustua osatzen duen adostasun politiko eta sindikala.
Adierazpen hau espetxe-politika honen amaiera lortzeko baliagarria izatea nahi dugu. Uste dugu une garrantzitsu batean eman dela, eta orain denei bide beretik joatea dagokigu; izan ere, datorren asteko mobilizazioetan parte hartzeko deia egin nahi dugu, batez ere urtarrilaren 9an egongo direnetan; Bake Bideak eta Bake Artisauek Baionan deiturikora eta Sarek Hego Euskal Herriko lau hiriburuetan deiturikoetara.
