ETXERAT (2020-VI-3). 61 urte. 24 urte espetxean; 1. gradua, urruntzea. espetxe-erregimenik gogorrena; testuinguru horretan Julen Atxurrak, Puerto I espetxeak dagoen presoak, garun-isuri bat jasan du berriki. Kausak eta ondorioak. Senideek larritasunez bizi izan dute ez dutelako bere egoeraren berri izan, ezin izan dutelako zuzenean berarekin hitz egin, ezin izan dutelako 1.000 kilometroko bidaia egin ospitalera joateko. Julen Atxurra espetxeko erizaintzan sendatzen dago orain, derrigorrezko koarentena bete behar baitu.
Egungo salbuespen espetxe-politikaren ondorioa da eta, egunez egun, osasun eta bizi kuota kobratzen duena. Pandemia globalak, gaixotasunak, konfinamenduak, une gogorrak bizitzea eragin dizkigu, batzuetan oso mingarriak izan direnak. Azken bi hilabete luze hauek zailak izan dira denontzat. Baina euskal preso politikoentzat, haien familientzat eta haien lagunentzat sufrimendu-plusa da hilabeteka kontatzen ez den egoera honetan, urtez urte baizik, hamarkadaz hamarkada.
Hasieratik jarri genuen arreta espetxeetan eta egoera kezkagarri baten aurrean kontzientzia soziala pizteko lan egin dugu. Gaixotasunaren ondorioengatik, kutsatzeko arrisku handiagatik, bat-batean bortizki bihurtzen zen isolamenduagatik. Altsasuko Gurasoak, Sare eta Salhaketarekin batera egindako lanaren ondorioz, egoera hori salatu dute erakundeek; estatu osoko dozenaka elkarterekin ere salatu dugu. Espainiako Estatuak ez die jaramonik egiten OMEk, NBEk edo torturaren aurkako Batzordeak presaz aplikatzeko eskatu zituzten gomendioei eta neurriei. Estatu frantsesak, berriz, ez die aplikatu euskal preso politikoei soilik.
Deseskaladarekin batera kalera itzuliko gara. Beharrezko neurriekin, guztion osasunak merezi duen errespetuarekin; kalera itzultzen gara lanean jarraitzeko. Sareren “Izan Bidea” ekimenarekin bat egiten dugu. Gaur Hego Euskal Herriko hiriburuetan “Izan Bidea”-ren lehen kilometroak egingo ditugu, presoen eta erbesteratuen egoera konpontzeko, bizikidetzarako eta bakerako bidean.
Euskal Herri osoko kale eta plazetan gaude berriro. Eskerrik asko etortzeagatik, gaur hemen zaudeten guztioi. Lanean jarraitzeko sindikatuen gehiengotik jaso dugun animoa eta laguntza eskertzen dugu baita ere. Hego Euskal Herriko erakundeetan ere hurbilketarako hitzarmenak egin dira aste hauetan. Ongi etorria da, halaber, Eusko Jaurlaritzak Espainiako Gobernuari euskal preso guztiak hurbiltzeko egin berri dion proposamena.
Izan ere, espetxeetan, pandemiaren aurkako neurriekin, eskubideen urraketak posizioak aurreratu ditu. Gaixotasun larriak eta 65 urte baino gehiago dituzten pertsonen arrisku handia dela eta berehala atera beharko dira espetxetik. Euskal preso politikoak berehala hurbildu behar dira Euskal Herrira. Dagoeneko 33 urtez irauten duen egoera hau mugagabe luzatzen duen tanta-jariorik gabe. Guretzat 800, 1000 km-ko joan-etorriak suposatzen duten lekualdaketak hurbiltze gisa saldu gabe. Gure bidaietan kilometroak kentzen dituzte, baina arriskua ez da desagertzen, zailtasunak ez dira desagertzen eta betoa mantentzen dute adinagatik edo gaixotasunagatik bidaiatu ezin duten pertsonen bisitetan.
Premiazkoa da, halaber, bisitak berraktibatzeko behar diren neurriak hartzea. Lehena, espetxeetan pandemiaren aurka aplikatutako neurriek eta, gero, deseskaladaren fase eta neurriek minimora murriztu dituzte gure komunikazioak. Estatu frantseseko bisitei dagokienez, arazoak ditugu muga zeharkatzeko. Espainiako eta Frantziako espetxe-agintariek behar diren mekanismoak ezarri behar dituzte familia-bizitzarako eskubidea bermatzeko.
Euskal preso politikoak Euskal Herrira ekarri behar dira, urrundu zituzten bezain azkar eta zorrotz.
Eskerrik asko gaur plaza honetara etortzeagatik. Kontzentrazioetan parte hartzen jarraitzera animatzen zaituztegu, egiten diren ekimen ezberdinetan, hala nola Sarekoan, entzunarazteko aukera dugun foro guztietan. Zaila izaten ari da, baina, beti bezala, oraingoan ere lortuko dugu.
EUSKAL PRESO ETA IHESLARIAK ETXERA!
ETXEAN ETA BIZIRK NAHI DITUGU !
