Izan Kuotakide!  Diru Laguntza!  Izan Boluntario!  Etxerat Denda

¡Atención! Utilizamos cookies propias y de terceros para mejorar nuestros servicios relacionados con sus preferencias mediante el análisis de sus hábitos de navegación.

Si continua navegando, consideramos que acepta su uso. Puede cambiar la configuración u obtener más información. Saber más

Acepto

POLITICA DE COOKIES

Cookie es un fichero que se descarga en su ordenador al acceder a determinadas páginas web. Las cookies permiten a una página web, entre otras cosas, almacenar y recuperar información sobre los hábitos de navegación de un usuario o de su equipo y, dependiendo de la información que contengan y de la forma en que utilice su equipo, pueden utilizarse para reconocer al usuario.. El navegador del usuario memoriza cookies en el disco duro solamente durante la sesión actual ocupando un espacio de memoria mínimo y no perjudicando al ordenador. Las cookies no contienen ninguna clase de información personal específica, y la mayoría de las mismas se borran del disco duro al finalizar la sesión de navegador (las denominadas cookies de sesión).

La mayoría de los navegadores aceptan como estándar a las cookies y, con independencia de las mismas, permiten o impiden en los ajustes de seguridad las cookies temporales o memorizadas.

Sin su expreso consentimiento –mediante la activación de las cookies en su navegador– etxerat.info no enlazará en las cookies los datos memorizados con sus datos personales proporcionados.

¿Qué tipos de cookies utiliza esta página web?

- Cookies técnicas: Son aquéllas que permiten al usuario la navegación a través de una página web, plataforma o aplicación y la utilización de las diferentes opciones o servicios que en ella existan como, por ejemplo, controlar el tráfico y la comunicación de datos, identificar la sesión, acceder a partes de acceso restringido, recordar los elementos que integran un pedido, realizar el proceso de compra de un pedido, realizar la solicitud de inscripción o participación en un evento, utilizar elementos de seguridad durante la navegación, almacenar contenidos para la difusión de videos o sonido o compartir contenidos a través de redes sociales.

- Cookies de personalización: Son aquéllas que permiten al usuario acceder al servicio con algunas características de carácter general predefinidas en función de una serie de criterios en el terminal del usuario como por ejemplo serian el idioma, el tipo de navegador a través del cual accede al servicio, la configuración regional desde donde accede al servicio, etc.

- Cookies de análisis: Son aquéllas que bien tratadas por nosotros o por terceros, nos permiten cuantificar el número de usuarios y así realizar la medición y análisis estadístico de la utilización que hacen los usuarios del servicio ofertado. Para ello se analiza su navegación en nuestra página web con el fin de mejorar la oferta de productos o servicios que le ofrecemos.

Cookies de terceros: La Web de etxerat.info puede utilizar servicios de terceros que,  recopilaran información con fines estadísticos, de uso del Site por parte del usuario y para la prestacion de otros servicios relacionados con la actividad del Website y otros servicios de Internet.

En particular, este sitio Web utiliza Google Analytics, un servicio analítico de web prestado por Google, Inc. con domicilio en los Estados Unidos con sede central en 1600 Amphitheatre Parkway, Mountain View, California 94043.  Para la prestación de estos servicios, estos utilizan cookies que recopilan la información, incluida la dirección IP del usuario, que será transmitida, tratada y almacenada por Google en los términos fijados en la Web Google.com. Incluyendo la posible transmisión de dicha información a terceros por razones de exigencia legal o cuando dichos terceros procesen la información por cuenta de Google.

El Usuario acepta expresamente, por la utilización de este Site, el tratamiento de la información recabada en la forma y con los fines anteriormente mencionados. Y asimismo reconoce conocer la posibilidad de rechazar el tratamiento de tales datos o información rechazando el uso de Cookies mediante la selección de la configuración apropiada a tal fin en su navegador. Si bien esta opción de bloqueo de Cookies en su navegador puede no permitirle el uso pleno de todas las funcionalidades del Website.

Puede usted permitir, bloquear o eliminar las cookies instaladas en su equipo mediante la configuración de las opciones del navegador instalado en su ordenador:

logo

etxelagun

AZKEN ALBISTEAK.

Foro Sozial Iraunkorraren dokumentua: "Bide-orri adostu bat eraikitzeko ekarpena gizarte zibiletik"

ETXERAT. Foro Sozial Iraunkorraren espazioa eratzen dugun entitate eta pertsonok pentsatzen dugu gomendio hauetan agertzen diren neurri eta urrats konkretuak onuragarriak eta beharrezkoak direla bizikidetza osoko etorkizun bat eraikitzeko eta gure herriaren normalizazio sozial eta politikorako.

Pentsatzen dugu, baita ere, iragan apirilaren 8an sortutako agertoki berria kontuan hartuta, normalizazio sozial eta politiko horren oinarria eraikitzeko honako perspektiba honetan interpretatu behar direla arauak eta legeak: gatazka armatuaren zikloa behin betiko ixtearen, haren ondorioak gainditzearen eta bizikidetza eta bake osoko agertoki berri batera modu eraginkorrean iragatearen perspektiban.

Oinarri tinko batzuen gain oinarritutako bizikidetza bat eraikitzeko urrats eta neurri hauek beharrezkoak direlako uste osoa dugu, berorien artean pertsona guztien oinarrizko eskubideen begirune zehatza sartzen delarik.

Perspektiba honetatik ari gara: pertsona presoen zigorren betetzea beti eta kasu guztietan gizatasuna eta birgizarteratzea bilatzearen printzipioek gidatu behar dute.

Egiaztatzen dugunez, Espainiako Estatuak gaur egun gaindituak diren garaietako zigor- eta espetxe-politikari eusten dio; printzipio eta helburu politikoek gidatzen dute haren espetxe-politikaren kudeaketa, eta ez printzipio eta helburu juridikoek.

Diagnostiko horretatik abiatuta, Foro Sozial Iraunkorraren iritziz, gizarte zibilak oinarrizko eginkizuna bete behar du, arazo honi arrazoizko proposamenez aurre egitea eragozten duten blokeoak gainditzeko; proposamen horiek agertoki politiko berriaren esparruan eta indarrean dagoen espetxe-legediaren interpretazio malgu batek eskaintzen dituen aukeren barnean kokatuko lirateke.

Xede hori lortzeko lan egingo dugu, gizarte zibila inplika dadin aurkeztutako ondorioak inplementatzen. Helburu horrekin honako ekimen hauek jarriko ditugu abian:

1.- Beharrezkoak diren aldebiko eta alde anitzeko elkarrizketa-esparru guztiak erraztu, Nafarroako Gobernuarekin eta Eusko Jaurlaritzarekin, erakundeekin eta alderdi politikoekin, sindikatuekin eta gizarte zibilaren beste eragileekin, aipatu bide-orria prefiguratzen aurrera egiteko. Helburu hori dugula, gaurtik hasita kontaktuen erronda bat hasiko dugu erakundeekin eta lurraldeko eragile politiko eta sozialen multzoarekin, aipatu xedea lortzeko lehen urratsak emateko asmoz.

2.- Aldi berean Espainiako eta Frantziako estatuetako espetxeetako preso politikoen kolektiboekin bilerak egitea eskatuko dugu, gure ondorioak aurkezteko eta haien ekarpenak jasotzeko.

3.- Alderdi honen ebazpenak inplikazio eta eratorpen sakonak ditu, hala nola, bortxa-egoera gainditzea eta bizikidetza normalizatuaren agertokia eraikitzea. Zentzu honetan, hemengo edo munduan zeharreko gatazketan, oinarrizko eskubideen defentsan, bizikidetza eraikitzen, gatazkak ebazten eta bakea lortzen lan egiten duten gure herriko mugimendu eta sektore nagusiekin lankidetza-espazioak sortzen saiatuko gara.

4.- Pentsatzen dugu interesgarria eta gomendagarria izango litzatekeela eremu juridikoko pertsonak inplikatzea, ekimen juridikoak aztertu, landu eta bultzatu ahal izateko; ekimen horien bidez, salbuespen neurri eta arauen sarea desblokeatu eta desmuntatzeko; neurri eta arau horien arabera bete behar baitituzte beren zigorrak motibazio politikoko delituengatik kondenatuak diren pertsonek. Proposamen honetarako Iparraldean eta Frantziako Estatuan jatorri profesional eta ideologia politiko oso ezberdineko juristekin abian jarri zen ekimenean inspiratzen gara; jurista horiek elkartzen dituena lan praktiko hau da, beharrezko ebazpen honetarako bidea eta ekarpena bilatzen dituena.

5. – Arreta bereziz begiratzen ditugu sindikatuen, unibertsitatearen eta gure herriko komunitate erlijiosoaren arloak. Pisu handia dute hiru sektore horiek gure gizartean eta erabakigarriak izan daitezke arazo hau konpontzeko gehiengoa duen korronte sozial bat sustatzeko garaian, beste sektoreak aktibatzeari garrantzirik kendu gabe.

6.- Jakitun gara gai honetan Espainiako Estatuaren iritzi publikoak duen garrantziaz. Zentzu honetan, modu koordinatuan lan egingo dugu zuzenbidearen, unibertsitatearen, politikaren, sindikatuen, giza eskubideen arloko Gobernuz Kanpoko Erakundeen eta komunikabideetako profesionalen munduan, iritzi korronte bat sor dadin laguntzeko. Estatu osoaren eremuko iritzi korrontea sortu behar da, orain arte ezarri den espetxe-politikaren eboluzioa erraztuko duena.

7.- Bide honetan nazioarteko komunitatearekin lankidetzan jarraitu nahi dugu. Hemendik, Brian Currin Jauna ordezkari duen Kontaktuko Nazioarteko Taldeak ondorio hauei emandako sostengua eskertu nahi dugu eta berriro eskatzen diogu errazte lan honetan lagun gaitzala, transbertsala eta adostua den bide-orri hau berehalakoan gauzatu dadin.

Amaitzeko iragartzen dizuegu Foro Sozial Iraunkorrean lanean ari garela jadanik, Bake Bidea-rekin lankidetzan, uda ostean Iparraldean ospatuko den IV. Foro Sozialaren bigarren zatia antolatzen. Foro horretan Frantziako Estatuaren espetxeetako arazo espezifikoaz, iheslariez eta erbesteratuez lan egingo da. Han adierazitako ideiak gaur aurkeztutako ondorioak osatzera etorriko dira.

Ez dugu amaitu nahi Espainiako Estatuari eta sostengatzen duen alderdiari dei bat egin gabe. Eskatzen diegu gogoeta egin dezatela eta ez ditzatela galtzen utzi berrikitan ireki diren aukerak.

Aldi berean, Frantziako Gobernuari eskatzen diogu jarraitu dezala arma-gabetzeari buruz izan duen jarrerarekin, bere bide propioan sakonduz, Espainiako Gobernuaren esku-sartzerik gabe, Frantziako Estatuan espetxeratuak dauden pertsona presoen auzian irtenbideak bilatzen.

Gobernu biei eskatzen diegu ez dezatela zapuztu gure gizartea bizitzen ari den itxaropen unea.

Iruñean, 2017ko maiatzaren 18a

IV. Foro Sozialeko ondorioak: "Arrazoi politikoengatik preso edo ihesian dauden pertsonen gizarteratzea erraztea"

ETXERAT. Euskal gatazka delakoaren esparruan, motibazio ideologikoen ondoriozko delituengatik preso dauden pertsonen gizarteratzearekin lotutako gaiei soluzio integrala emateko asmoz, adostasun zabala eta zeharkakoa sustatu eta lortu nahi dugu.

Adostasun hori, hasiera puntu bezala, Euskal Autonomia Erkidegoko eta Nafarroako Foru Erkidegoko gizarte-, politika- eta erakunde-mailan artikulatuko da eta, berau garatu bitartean, aipatu pertsona presoen parte-hartzea izango du.

Euskal gizartearen beharrezko adiskidetzearen esparruan, adostasun horrek, gure ustez, motibazio politikoaren ondoriozko delituengatik preso dauden pertsonen itzulerari buruzko bide-orri bat prestatu, adostu eta ezarri beharko luke. Bide-orriak, emakumeek bai kartzelan baita bergizarteratzeko unean ere aurre egin behar duten desberdintasun egoera modu espezifikoan aztertu beharko du. Bide-orri horrek esku hartzen duten eragile guztientzako jarduteko gida izan beharko luke.

Foro Sozial honek proposatzen du aipatu adostasunak –aurretik esan bezala, euskal erakunde, gizarte eta presoen artean eraiki beharko da− honako printzipio hauek izan behar dituela oinarri:

1.- Funtsezko giza eskubideen kontra edo presoen giza trataeraren kontra doazen eta nazioarteko estandarren aurka egiten duten espetxe-politikaren neurriak bertan behera utzi behar dira. Gure ustetan, premiazko lehen urratsa da hori, eta horrek esan nahi du:

− Gaixo larriak, gaixotasun sendaezina izan edo adin handiko presoak espetxetik lehenbailehen atera ditzatela agintaritza eskudunek.

− Presoak beren familia- eta gizarte-ingurunetik urruntzeari amaiera ematea, beren bizilekuetatik gertuago dauden espetxeetara ekarrita, gizarteratzen laguntzeko loturak indar daitezen. Hortaz, eskumena duten agintariei eskatu behar zaie preso bakoitzak Euskal Autonomia Erkidegoko edo Nafarroako Foru Erkidegoko espetxeetara lekualdatzeko eskaerak onartzea.

 − Presoek eskubidea dute beren zigorraren iraupenarekiko itxaropena zein den zehatz jakiteko. Hori dela eta, ezinbestekotzat jotzen dugu zigorra bete duten pertsonak askatzeko unea atzeratzeko joera duten neurri orori amaiera ematea. Zehazki, 7/2014 Lege Organikoaren, azaroaren 12koaren, artikuluak aldatu behar dira, baliogabe uzteko Europar Batasuneko beste Estatu kideetan ebatzitako zigorren ondorioen baliokidetasun-printzipioa, 675/2008/JAI Erabaki Esparruan ezarritakoaren arabera. Hala, Estatu espainiarrean ezingo dira kontuan hartu, zigorrak luzatzeko, Estatu frantsesean ezarri eta betetako zigorrak.

− Epe luzeko zigorrak, biziarteko kartzela-zigorraren berdintsuak dituzten presoen kasuan, zigorrak berrikusteko eskubidea izan behar dute, espetxetik irteteko arrazoizko itxaropen egingarria bermatzeko. Ondorioz, indargabetu egin beharko litzateke, ankerkeriagatik, espetxetik irteteko itxaropena deuseztatzen duen arau oro.

− Ezinbestekoa da motibazio ideologikoaren ondoriozko delituengatik preso dauden euskal herritarren isolamendu eta lehen graduko neurrien aplikazio sistematikoari amaiera ematea.

− Bermatu egin behar da presoen intimitate eta familia-bizitzarako eskubidea, eta komunikazio horiek baldintza egoki eta duinetan garatu behar dira. Ildo horretatik, bisita egiteko eskubidea duten pertsonei mugak ipintzea amaitzea nahi dugu, ahozko zein idatzizko komunikazioen etengabeko kontrola eta euskarari ezartzen zaizkion oztopoak behin betiko amaitzeko. Halaber, pertsona horiei beren seme-alabekin harreman estua izateko aukera eman behar zaiela uste dugu; bereziki, espetxean beraiekin seme-alabak dituzten amen kasuan.

 − Hezkuntza jaso eta ikasteko eskubidea murrizketarik gabe ahalbidetu beharko litzateke eta, horretarako, egun jartzen dituzten eragozpenak bertan behera uzteko mekanismoak ezarri behar dira.

 2.- Motibazio politikoaren ondoriozko delituengatik preso dauden pertsonen espetxe-salbuespena bertan behera utzi behar da, justizia trantsizionala garatzeko aurretiazko urrats gisa. Desiragarria da arauak gizarteerrealitatera egokitzea eta, ildo horretatik, aurreko legeria arruntera itzultzea funtsezko deritzogu. Horrek honako hiru urrats hauek ematea esan nahi du:

− Motibazio politikoaren ondoriozko delituengatik preso dauden pertsonen gradu-progesio, baimen-emate eta erredentzioak sistematikoki ukatzeko politikari amaiera ematea.

− 7/2003 Lege Organikoak, ekainaren 30ekoak, zigorrak osorik eta modu efektiboan betetzeko neurriei buruzkoak biltzen dituen salbuespenezko neurriak indargabetzea; zehazki, espetxe-onurak, irteteko baimena, hirugarren graduaren sailkapena eta baldintzapeko askatasuna eskuratzeko baldintzei buruzkoak. Aipatu neurriek ezinezko egiten dute zigor askatasun-gabetzaileen gizarteratzeko helburua lortzea. Neurri horiek indargabetu ezean, neurri horiek atzeraeraginez aplikatzea ukatu behar da.

− Aurrekoaren ildotik, baldintzapeko askatasuna lehenbailehen eman behar zaie zigorraren 2/3 edo ¾ bete duten presoei.

− Martxoaren 30eko 1/2005 Lege Organikoak onartutako espetxealdi iraunkor berrikusgarria indargabetu behar da.

− Legeria aldatu behar da, jatorrizko Espetxe Zaintzako Epaitegiari itzultzeko ezarritako zigorraren betetzeari buruzko eskumenak, gerta daitezkeen aldaketei buruzko helegiteak lege eta araudien ezarritakoaren arabera ebatz ditzaten. Epaile horiei dagokie presoen eskubideak babestea eta, horretarako, espetxe-politikaren arauen betetzean gerta daitezkeen gehiegikeriak eta desbideratzeak zuzendu behar dituzte. Egun, eskumen horiek Espetxe Zaintzako Epaitegi Zentralak ditu, Auzitegi Nazionalean. Era berean, erabakiei jarritako helegiteak kasuan kasuko Probintzia Auzitegiak ebatzi beharko lituzke.

3.- Euskal Autonomia Erkidegoari eta Nafarroako Foru Erkidegoari transferitu behar zaizkie espetxe alorreko eskumenak, Gernikako Estatutuan eta Foruaren Hobekuntzan ezarritakoa betetzeko. Horrekin batera, presoen gizarteratze-plan bat osatzea proposatzen dugu, goiztiarra eta indibidualizatua. Plan horrek euskal erakundeen adostasuna jaso behar du eta gizarte-eragileek zein preso dauden pertsonek parte hartu behar dute adostasun horretan.

Hori bermatzeko, presoen, euskal herritarren eta erakunde eskudunen arteko harremana erraztu behar da. Plan hori osatzeko, honako oinarri hauek proposatzen ditugu:

1) Egoera politikoa aitortzea; euskal gizartea bortizkeria eta enfrentamendu-egoeratik bake, elkarbizitza eta berradiskidetze-egoerara iragaten ari da eta, horrek, alde guztien esku-hartzea eskatzen du.

2) Biktima guztiek justizia, memoria, aitortza eta erreparaziorako duten eskubidea errespetatu behar da.

3) Presoen honako eskubide hauek betetzen direla bermatu behar da: gizarteratzea eta bake-prozesuan, normalizazioan eta berradiskidetzean parte hartu eta ekarpenak egitea. Horretarako, hirugarren graduak, baldintzapeko askatasun goiztiarrak eta gizarteratzea errazten duten beste neurri mota batzuk aplikatu behar dira.

4) Euskal bake-prozesu, normalizazio eta berradiskidetzearen baitan, motibazio politikoen ondoriozko delituengatik preso dauden pertsonek parte hartu behar dute prozesuan eta, horretarako, sakondu egin behar da bortizkeria-bide ororen gaitzespenean, bide baketsu eta demokratikoen aldeko konpromisoan eta eragindako minaren berariazko aitortzan, berau erreparatzeko borondate modura.

Bere aldetik, Foro Soziala, Harremanetarako Nazioarteko Taldearen laguntzaz, prest agertu da eragile politiko eta sozialek behar dituzten esparruak ahalbidetzeko, bide-orri egingarri bat abiarazteko aukera emango duen oinarrizko adostasuna lortzeko, ez oso epe luzera.

Donostian, 2017ko martxoaren 10ean

Danimarka eta Suetzian hedatuko dugu oraingoan euskal preso politikoen egoera

ETXERATDanimarka eta Suetziara abiatuko da bihar Etxerat Elkarteko delegazio bat, eragile politiko zein giza eskubideen defentsan ari diren elkarteekin elkarrizketatzeko. Espainiar eta frantziar estatuek eskubideen urraketak mantendu nahian baliatzen duten blokeoa gainditzea izan da oraingoan ere bidaiaren helburua, eta bereziki, urraketa hoien ondorioak azaldu, alegia, presoen urrunketarekin bukatzeko beharra eta ondorio lazgarrienetako bat, gaixotasun larri eta sendaezinak dituzten euskal preso politikoen egoera.

Etxerat Elkartearen izenean, bozeramailea den Urtzi Errazkin eta Ikerne Altuna, Jose Ramon Lopez de Abetxuko euskal presoaren koñatuak osatzen dute delegaritza.

Duela bi urte pasatxo Europako Legebiltzarrean egindako bisitan Etxerat Elkarteak sortutako harremanen jarraipen gisa, Etxerateko delegaritza Bruselara abiatu zen joan zen urtarrilan Europako legebiltzarkideekin elkarrizketak gauzatzera. Inplikatzeko nahi horren ondorioz proposamen eta konpromiso zehatzak gauzatu ziren, besteak beste, ondoren, joan zen martxoan hain justu, Suitza eta Alemaniara eginiko bidaia eta orain Danimarka eta Suetziara abiatu dena. 

Bidaian abiatu aurretik Urzti Errazkin Etxerateko bozeramailea elkarrizketatu dute gaur goizean Info7 irratian, Kalegorrian saioan. Hemen duzue lotura:

http://info7.naiz.eus/en/info_i7/20170519/euskal-presoen-egoera-larriaz-ohartarazteko-europako-birarekin-jarraitzen-du-etxeratek

Ekainaren 4an Lasterbidean, elkartasun lasterketaren bosgarren edizioa Oñatin ospatuko da

ETXERAT. Lasterbidean herri ekimenak gaur Oñatin aurzkeztu du ekainaren 4ko elkartasun lasterketa.

Oñatiko plazan bildu garen lagunok, beste ezeren gainetik, kirolzaleak gara. Kirola, oro har, eta, zehazki, lasterka egitea, maite dugu. Gure egunerokoan, aisian, ilusioetan, pentsamenduetan… denean dugu presente gure pasioa! Egiten duguna garela diote zenbaitek.

Gure kasuan, kirola egiten dugu sarri, eta horrexegatik gaude larunbat honetan Oñatiko herrian. Gogoko duguna eginez elkartasuna ematea beti delako errazagoa!

2012. urte hartan helmugara laster batean iristeko sortu genuen Lasterbidean. Urrun da Oiartzunen korritutako kilometro sorta. Bost urte joan badira ere, zoritxarrez, arineketan darraigu, urrunketari bidezidorra topatu nahian.

Herrialde nahiz herri ezberdinetatik eman ditugu elkartasun pausoak, batzuetan geldo eta besteetan arinago. Jakitun gara preso eta urrun dauden euskal herritarren eskubideak errespetatu eta etxeratzeko lasterketaren erritmoa biziagotu beharra daukagula. Denon artean eta arin, helmugak ezin baitu denbora luzean itxaron. Horrexegatik, nork bere pasio zein esparrutik elkartasun pausoak emateko gonbitea egin nahi dugu hemendik, pausoak pauso gehiago dakarrelako.

Gaur goizean ere, hain zuzen, gu denon artean ilusioz betetako pausoak eman ditugu. 10etan plaza honetatik abiatu eta 2017ko edizioaren ibilbide luzea ezagutu dugu. Hitz batean, ederra. Ziur gaude ekainaren 4an ere kamiseta gorriz jantzitako korrikalari askok elkartasun pauso andana emango dituztela. Horixe gure nahia!

Larunbat goiz honetan, ibilbidea ezagutzeaz gain, lan eguna dugu. Ekainaren 4ko elkartasun uholde gorria posible egiteko, lana gogotik egin behar da. Azken hilabeteetan Oñatiko herria etengabeko ahaleginean ari da. Bihoakio hemendik gure txalorik beroenak. Aupa, zuek!

Lana, ordea, ez da bukatu, eta agerraldi hauxe bukaturik, zeregin ezberdinetan murgilduko gara. Euskal Herriko txoko zenbaitetik etorritako lagunak daude gure artean. Beraz, nola ez, zuei ere eskerrik asko!

Honenbestez, gaurkoan esateko genuena. Ekainaren 4an bertan elkar ikusiko dugulakoan...

Laster bidean, laster etxean!

lasterbidean.jpg

 

Mendeku eta inmobilismoaren alde azaldu dira Madrilen PP, PSOE eta Cs gaixo dauden presoen askatasunaren aurkako bozka emanez

ETXERAT. Espainiar Kongresuko gehiengoaren eskutik, PP, PSOE eta C's alderdien 244 diputatuen bozkekin, mendekuaren eta immobilismoaren aldeko apustua sendotu du espainiar Gobernuak, EH Bilduk preso gaixo larrien inguruan aurkeztutako mozioa alboratuz. Bertan, autoritate espainiarrei “preso gaixo larrien egoeraren erabakien aurrean egungo legediak, estatuko zein Europakoak, aintzat hartzea eta, honek, hurrengo datetan presoen askatasuna bideratzeko jarduna” eskatzen zuen. Ekimen honek 92 diputatuen babesa jaso du eta 3k abstentziora jo dute.

Iniziatiba honek euskal gizartearen gehiengoak zein estatu espainiarretik datozen beste hainbat eragile eta norbanakok 30 urte luze hauetan mantentzen den salbuespeneko espetxe politika honen amaiera aldarrikatzen dutenen ahotsa altxatzeko helburua zuen, preso gaixo larri guztien egoera mahaigaineratuz. Larritasun hori patente geratzen da espainiar Gobernuak berriki argitaratu dituen datuekin, non 2011 eta 2015 urteen artean 418 presok bizitza galdu zuten espetxean sufritzen zuten eritasuna dela eta.

Egungo araudia larri eri diren preso gaixo guztiei era berdinean aplikatzen zaiela aldarrikatzen badute ere, jakina da askatasun irizpideak tratu ezberdinen baitan jokatzen direla. PP, PSOE eta C's-en ustetan, euskal preso politikoek ETA erakundearekin duten lotura hori sufritu beharra dute, epaitegiak jarritako kondenaz gain erabaki politikoa den sufrimendu gehigarriaren inguruko gorazarrea eginez.

Ezertarako ez du balio izan osasun eskubide unibertsalen izaeraren apelazioa, non estatu eta gobernuek pertsonen osasun eta bizitza eskubideak baldintzatzen dituztela ageriko uzten duelarik; ezta espetxeek pertsonen duintasuna ukatzeko aldarria; gutxiago pertsona hauek hil aurretiko askatasun eskaera baino tratamendu egoki eta duin bat jasotzeko aukera izatearena.

Espainiar Gobernuak bere legedia era murriztaile batean interpretatzeaz gain, bereziki salbuespen neurriak preso politiko euskaldunen aurka izanik, gaur Madrilen egikaritutako argazkiak justizia eta giza eskubideen antitesiaren irudia osatzen du, 92 aldeko bozkei garrantzirik kendu gabe. Giza eskubideen eta justiziaren inguruan inongo eztabaidan murgiltzeko xederik duen arku parlamentaria osatzen duen argazkia. Kasu honetan preso gaixoek baldintzapeko askatasuna lortu eta eritasuna tratatzeko aukerei ateak itxiz.

Argazki honen inguruan azpimarratzekoa da PSOE alderdiak hartutako posizioa, PPrenarekin antzekotasun handiak izanik, Espetxe Zaintzako epaileari egokitzen zaion 102 artikuluaren aukera aipatu dutelarik. Kontrajarria egiten da azken egunotan PSE alderdiak hartutako posizionamenduarekin PSOE espetxe politika humanizatzearen aurka eta immobilismoan lerrokatzen dela ikusirik, bereziki preso gaixoen askatasunaren ardura Espetxe Zaintzako arduradunari egokitzen diotela esatean.

Gertakari guztien gainetik, preso eta iheslari politikoen senide eta lagunen sostenguan lanean jarraituko du buru belarri Etxerat Elkarteak. Eragile politiko, sindikal eta sozialen inguruan akordio zabalak lortu asmoz eta, horrela, urrunketaren amaiera eta larri eri diren presoen askatasuna lortzeko xedearekin, azkenik denak etxean ditugularik.

ARABA
Gasteiz
Kutxa kalea 7
Tel. 945 123 238
C.P. 01012   Gasteiz

GIPUZKOA
Hernani
Perkaiztegi Kalea 11/13
Tel: 943 335 900
C.P. 20120  Hernani

NAFARROA
Iruñea
Nabarreria kalea 15 2º Ezk
Tel: 948 227 054
C.P. 31001  Iruña

Asistencia Familiares y Amigos
Estado Español
943 335 900
Estado Francés
943 333 061
Coordinación
943 335 044
Casino sites http://gbetting.co.uk/casino with welcome bonuses.